O'zbekistonning transmilliy oliy ta'lim habiga aylanishi: tahlil, taqqos va taklif

2018–2022-yillar oralig‘ida O‘zbekistonda 23 ta xorijiy oliy ta’lim muassasasi o‘z filiallarini ochdi. Natijada, O‘zbekiston xorijiy filiallar soni bo‘yicha dunyoda Xitoy va Birlashgan Arab Amirliklaridan (BAA)dan keyingi uchinchi mamlakatga aylandi. Ushbu tadqiqotning maqsadi O‘zbekiston hukumati va xorijiy oliy ta’lim muassasalarining transmilliy ta’lim bo‘yicha hamkorlik qilish sabablari, shuningdek, ushbu filiallarning tashkil etilishi va faoliyati jarayonida duch kelgan muammolari hamda dastlabki natijalarini aniqlashdan iborat. Tadqiqot uchun ma’lumotlar, asosan, O‘zbekistonda transmilliy ta’lim muassasalarining rivojlanishi va faoliyati bo‘yicha chuqur bilim va tajribasiga ega bo‘lgan mutaxassislardan olingan. Tadqiqot ishtirokchilarining fikrlari va tahlil qilingan ikkilamchi ma’lumotlar asosida O‘zbekistonda oliy ta’limning rivojlanishi bo‘yicha ijobiy istiqbollar kutilmoqda. Maqola yakunida ta'lim mas'ullari, transmilliy ta’lim muassasalari va oliy ta’lim tizimini transmilliy ta’lim orqali rivojlantirishni maqsad qilgan davlatlar uchun tavsiyalar berilgan.